ڊجيٽل سنڌ ميگزين جو يوٽيوب چينل”واکاڻ“

سنڌ جي تاريخ، ثقافت، فڪر ۽ غيرمعمولي شخصيتن کي اجاگر ڪرڻ جي جذبي سان قائم ڪيل هي ڊجيٽل سنڌ ميگزين جو ”واکاڻ“ يوٽيوب چينل هڪ علمي، ادبي ۽ تحقيقي پليٽفارم آهي، جتي سنڌ جي انهن ڪردارن ۽ شخصيتن بابت معياري وڊيوز ٺاھي سنڌ جي باشعور نوجوانن ۾ شعور بيدار ڪرڻ جي ھڪ ننڍي ڪوشش آھي. جن عظيم شخيصتن جي فڪر، جدوجهد، تخليق ۽ سماجي خدمتن وسيلي سنڌي سماج تي گهرا ۽ مثبت اثر ڇڏيا آھن. ”واکاڻ“ چينل جي هر وڊيو پويان تحقيق، مطالعي ۽ فني مهارت جي هڪ ڊگهي ۽ سنجيده ڪوشش شامل آهي. مقصد صرف معلومات پهچائڻ نه، پر سنڌ جي تاريخي، ادبي ۽ سماجي ورثي کي جديد ڊجيٽل ذريعن وسيلي محفوظ ڪرڻ ۽ نئين نسل تائين پهچائڻ پڻ آهي. هن علمي ۽ تخليقي سفر ۾ ڪيترن ئي دوستن ۽ ساٿين جي محبت، محنت ۽ فڪري سهڪار شامل رهيو آهي، جن جي گڏيل ڪاوشن هن پليٽفارم کي هڪ سڃاڻپ عطا ڪئي آهي. خاص طور تي انعام جتوئي پنهنجي تحقيقي بصيرت، ادبي ذوق ۽ تنظيم سازي جي صلاحيتن سان هن سفر کي نئين توانائي بخشي آهي، جڏهن ته اشفاق سبزوئي پنهنجي تخليقي سوچ، فني مهارت ۽ مسلسل محنت ذريعي هن چينل جي مواد کي وڌيڪ اثرائتو، معياري ۽ دلڪش بڻائڻ ۾ اهم ڪردار ادا ڪيو آهي. اسان جي ڪوشش آهي ته سنڌ جي انهن اڻڄاتل، وساريل يا گهٽ اجاگر ٿيل شخصيتن جي زندگين ۽ ڪارنامن کي سامهون آڻي، سنڌ جي فڪري سرمايي کي وڌيڪ وسيع ۽ مضبوط بڻايو وڃي. اميد آهي ته هي چينل علم، تحقيق ۽ تاريخ سان دلچسپي رکندڙ ناظرين لاءِ ڪارائتو ثابت ٿيندو.

▶ سبسڪرائب ڪريو