پاڪستان پيٽروليم لميٽيڊ PPL اعلان ڪيو ته سنڌ جي ضلعي سجاول تعلقي جاتي جي سيراڻي بلاڪ ۾ واقع پنهنجي ڊولفن ايڪس-1 کوھ مان "ابتدائي" گئس ۽ ڪنڊينسيٽ دريافت ڪئي آهي. ڪمپني جي بيان موجب هي لوئر انڊس بيسن ۾ جوريسڪ دور جي چلتن فارميشن مان پهرين هائڊروڪاربن دريافت آهي. هن دريافت سان اڳي "غير استعمال ٿيل، ڏکيا علائقن" ۾ تيل ۽ گئس جو نئون امڪان کُليو آهي. پي پي ايل چيو ته هن دريافت سان سجاول جي گپ ۽ ڪچي مٽي جي دلدلي علائقي ۽ ان جي سامونڊي ڪناري تائين پکڙجندڙ علائقي ۾ کوجنا جو نئون ميدان کُليو آهي. ان سان پاڪستان ۾ سامونڊي ڪناري ويجھو کوجنا جا امڪان به وڌي ويا آهن.
پيداوار ٽيسٽ: 32/64 انچ چاڪ تي 46 بيرل روزانو تيل ۽ 0.942 ملين معياري ڪع فٽ روزانو گئس مهيا ڪندو.
ڊولفن ايڪس-1 ۾ پي پي ايل 75 سيڪڙو سان آپريٽر آهي ۽ جي ايڇ پي ايل 25 سيڪڙو جي پارٽنر آهي...
هي دريافت پي پي ايل کي ساليانو تقريبن 0.09 رپيا في شيئر جو فائدو ڏيندي.
هن دريافت سان ثابت ٿيو ته هن علائقي ۾ پيٽروليم سسٽم موجود آهي ۽ دلدلي علائقي کان سامونڊي ڪناري تائين نئون کوجنا وارو علائقو کُليو آهي. سنڌ جي ضلعي سجاول جي ڌرتيءَ هڪ ڀيرو ٻيهر پنهنجي اندر لڪل قدرتي وسيلن ڏانهن دنيا جو ڌيان ڇڪايو آهي. پاڪستان پيٽروليم لميٽيڊ (PPL) پاران سجاول ضلعي جي سراني بلاڪ ۾ Dolphin X-1 ڳولا واري کوهه مان گئس ۽ ڪنڊينسيٽ جي دريافت کي پاڪستان جي تيل ۽ گئس جي شعبي ۾ هڪ اهم اڳڀرائي قرار ڏنو ويو آهي.
هي دريافت رڳو هڪ نئين کوهه مان گئس نڪرڻ جي خبر ناهي، پر ان جي اهميت ان ڪري به وڌي وڃي ٿي، جو PPL موجب هي Lower Indus Basin ۾ Jurassic عمر واري Chiltan Formation مان پهرين هائيڊرو ڪاربن دريافت آهي. ڪمپني جو چوڻ آهي ته ان سان هڪ نئون hydrocarbon play سامهون آيو آهي، جيڪو مستقبل ۾ وڌيڪ ڳولا جا دروازا کولي سگهي ٿو.
3,850 ميٽرن جي کوٽائي تائين کوٽائي
Dolphin X-1 تي کوٽائي 17 اپريل 2026ع تي شروع ڪئي وئي ۽ کوهه کي تقريباً 3,850 ميٽرن جي کوٽائي تائين پهچايو ويو. ڊرلنگ ۽ wireline logs ذريعي هائيڊرو ڪاربن واري زون جي نشاندهي ڪئي وئي، جنهن کان پوءِ Chiltan Formation جي ٽيسٽنگ ڪئي وئي. PPL موجب ٽيسٽ دوران سٺي معيار جي گئس تقريباً 0.942 ملين معياري ڪعبي فوٽ في ڏينهن (MMscfd) جي شرح سان وهندي نظر آئي، جڏهن ته گئس جي heating value تقريباً 1,000 Btu/scf رڪارڊ ڪئي وئي.
رپورٽن موجب ٽيسٽ جي هڪ مرحلي ۾ ڪنڊينسيٽ به سطح تي ظاهر ٿيو. شروعاتي طور تي ان جي شرح تقريباً 94 بيرل في ڏينهن رهي، جيڪا 24 ڪلاڪن اندر گهٽجي 46 بيرل في ڏينهن ٿي وئي. بعد واري post-acid testing ۾ ڪنڊينسيٽ نظر نه آيو، تنهنڪري ذخيري جي حتمي صلاحيت بابت وڌيڪ فني جائزي جي ضرورت برقرار آهي. هن دريافت جي سڀ کان اهم ڳالهه شايد گئس جي موجوده مقدار نه، پر نئين exploration frontier جو کلي وڃڻ آهي. سجاول جو هي علائقو دلدلي زمين ۽ ڏکي جغرافيائي صورتحال سبب ڊگهي عرصي تائين تيل ۽ گئس جي ڳولا لاءِ مشڪل سمجهيو ويندو رهيو. PPL جو چوڻ آهي ته جديد transition equipment استعمال ڪري 2D ۽ 3D seismic data حاصل ڪرڻ کان پوءِ هڪ اهڙي علائقي کي petroleum play ۾ تبديل ڪيو ويو، جيڪو اڳ عملي طور اڻکليل هو.ان جو مطلب اهو به ٿي سگهي ٿو ته مستقبل ۾ تحقيق ۽ کوٽائي جو دائرو سجاول جي خشڪي وارن دلدلي علائقن کان اڳتي shallow offshore علائقن تائين وڌي سگهي ٿو. جيڪڏهن وڌيڪ کوهن جي نتيجن سان موجوده امڪان مضبوط ٿين ٿا ته سنڌ جي سامونڊي پٽي پاڪستان جي توانائيءَ جي نقشي تي وڌيڪ اهم حيثيت حاصل ڪري سگهي ٿي. سنڌ لاءِ اصل سوال: وسيلو ڪنهن جو، فائدو ڪنهن لاءِ؟ سجاول مان گئس جي دريافت يقيناً خوشيءَ جي خبر آهي، پر سنڌ لاءِ هن خبر سان گڏ هڪ بنيادي سوال به پيدا ٿئي ٿو: هن قدرتي وسيلي مان مقامي ماڻهن کي ڇا ملندو؟ سجاول مان نڪتل گئس جي هي خبر هڪ نئين توانائيءَ جي اميد ضرور آهي، پر سنڌ لاءِ ان سان گڏ هڪ نئون سوال به کڻي آئي آهي: قدرتي وسيلن جي هن دولت ۾ مقامي ماڻهن جو حصو ڪڏهن ۽ ڪهڙي صورت ۾ نظر ايندو؟