ڇاڇرو جو 60 ورهين جو ٻڪرار ڀارتي فورس هٿان مبينا گرفتار.....!
ڇاڇرو جي ڳوٺ ڄاريلو واسي 60 ورهين جي بڪو خان رند کي مبينا طور زيرو لائن پار ڪرڻ تي ڀارتي بارڊر فورس پاران گرفتار ڪرڻ جو معاملو سامهون آيو آهي.
ڇاڇرو ڀرسان پاڪ ڀارت سرحد ڀرسان ٻڪريون چاريندڙ ڌنار کي ڀارتي فورسز زبردستي کنڀي کڻي وئي، جاريلو واسي 60 ورھين جو ڪنن کان ٻوڙو ٻڪريون چاريندي زيرو لائين تان ڀارتي بارڊر سيڪيورٽي فورسز (BSF) ھٿان گرفتار بڪو خان رند ٻڪرين جو ڌنار ھو. سرحد ڀرسان ٻڪريون چاريندي ڊورن پويان زيرو لائين تي پھتو ته ڀارتي فورس گرفتار ڪري ورتو. وارثن موجب بڪو خان ڪنن کان ٻوڙو آهي. سندس ڪا خبر نه ملڻ تي وارث ڪيترن ئي ھنڌن تي ڳولا ڪندا رھيا، ڀارتي ميڊيا تي رپورٽون سامھون اچڻ بعد وارثن کي بڪو خان جي گرفتاري جي خبر پئي BSF پاران کيس ڀارتي پوليس حوالي ڪرڻ جي دعويٰ ڪئي آھي، بڪو خان جي گرفتاري واري خبر بعد وارثن ۾ سخت گڻتي پکڙجي وئي، گھر ڀاتين پاران حڪومت پاڪستان ۽ لاڳاپيل اختيارين کان فورن نوٽيس وٺڻ جو مطالبو ڪيو آھي. انساني ھمدردي جي بنياد تي ڪنن کان ٻوڙي بڪو خان رند کي ڀارتي حراست مان آزاد ڪرائي، وطن واپس آندو وڃي.
وارثن موجب، بڪو خان ٻڪريون چاريندڙ ٻڪرار آهي، جيڪو ٻڪريون چاريندي مبينا طور غلطيءَ سان سرحدي زيرو لائن پار ڪري ڀارتي حدن ۾ داخل ٿي ويو آھي، جنهن بعد ڀارتي اختيارين کيس حراست ۾ وٺي ڇڏيو. وارثن جو چوڻ آهي ته کين بڪو خان جي گرفتاري بابت ڀارتي ميڊيا تي رپورٽون سامهون اچڻ کانپوءِ خبر پئي، جنهن سبب سندس خاندان ۾ سخت ڳڻتي پکڙجي وئي آهي. وارثن اختيارين کان مطالبو ڪيو آهي ته معاملي جو فوري نوٽيس وٺي بڪو خان رند بابت معلومات حاصل ڪئي وڃي ۽ انساني همدردي جي بنياد تي کيس ڀارتي حراست مان آزاد ڪرائي وطن واپس آندو وڃي.