روس جڳ مشهور پيغام رسائيندڙ ايپ واٽس ايپ کي مڪمل طور تي بلاڪ ڪرڻ جي ڌمڪي ڏئي ڇڏي. پرڏيهي خابرو اداري جي رپورٽ موجب، روس هڪ ڀيرو وري واٽس ايپ تي ڏوهن کي روڪڻ ۾ ناڪاميءَ جو الزام لڳائيندي، شهرين کي متبادل ۽ مقامي ايپ تي منتقل ٿيڻ تي زور ڏنو آهي. روسي سڌ سماءُ واري اداري روسڪو مينڊزو موجب، جيڪڏهن واٽس ايپ روسي قانونن جي پاسداري نه ڪندو ته ان کي مڪمل طور بلاڪ ڪيو ويندو. اِها پابندي روس طرفان هلندڙ سال آگسٽ ۾ واٽس ايپ ڪالز تي مڙهيل پابندي جي سلسلي جي هڪ ڪڙي آهي. رپورٽن موجب، روسي واهپيدارن کي رياستي سرپرستي هيٺ هلندڙ ۽ سرڪاري خدمتن سان واڳيل ميسيجنگ ايپ ميڪس تي منتقل ٿيڻ زور ڏنو ويو آهي، ميڪس هڪ ملڪي ميسيجنگ سروس آهي ۽ جنهن ۾ اينڊ ٽو اينڊ انڪرپشن موجود ناهي. ان ڏس ۾ واٽس ايپ جي مالڪ اداري ميٽا جو چوڻ آهي ته واهپيدارن جي محفوظ مواصلاتي ڊيٽا روسي ادارن سان شيئر ڪرڻ کان انڪار کانپوءِ روس واٽس ايپ تي پابندي لڳائڻ جي ڪوشش ڪري رهيو آهي. واضح رهي ته ٽيليگرام ۽ واٽس ايپ روس جون ٻه مقبول ميسيجنگ سروسز آهن، پر روسي حڪومت جو مطالبو آهي ته دهشتگردسرگرمين ۽ ٺڳيءَ جي جاچ لاءِ ٻئي پيغام رسائيندڙ ايپ قانون لاڳو ڪندڙ ادارن کي واهپيدارن جي ڊيٽا تائين پهچ فراهم ڪن.