درياهھ جي ڪناري تي آباد تعلقو سوڀوديرو جتي پاڻي جي کوٽ اسي سيڪڙو آهي، ۔آبپاشي انتظاميا سوڀوديرو تعلقي جي ڪيترن شاخن کي سالن کان پاڻي نه ڏئي سگهي آھي، جڏھن تھ ڪيترائي ڀيرا درخواستون پڻ جمع ڪرائي چڪا آھيون. ۔ خيرپور ضلعي جو سوڀوديرو تعلقو سنڌو درياهھ جي ڪپ تي قائم آهي ۽ سکر بئراج کان صرف سٺ ڪلوميٽر جي مفاصلي تي آهي، پر افسوس تنھن ھوندي بھ پاڻي کوٽ جي سخت کوٽ ي منھن ڏپئي رھيو آھي. مشهور فيض نهر خيرپور ضلعي جا چار تعلقا آباد ڪري ٿو، پر ان جو پاڻي سوڀوديرو تعلقي تي نٿو پهچي. ۔سوڀوديرو تعلقي جون ڪيتريون شاخون سيٺارجا مائينر ، ابل واهھ ، سوڀا شاخ ، محراب واهھ ، گرڪڻو واهھ ، تيڪڻو واهھ ، تاج مائينر جون پڇڙيون گذريل ويهن پنجويهن سالن م پاڻي جو ڍڪ نه ڏسي سگھيون آهن. ۔ اونهاري جي شديد گرمي م فيض نهر جو پاڻي مڪمل طور مٿان کان ئي چوري ٿي رھيو آھي، جڏھن تھ ڪيترائي ڀيرا اعليٰ عملدارن کي درخواستون ڏيئي چڪا آھيون تنھن تي ڪو بھ عمل ناھي ٿيو، افسوس جي ڳالھھ اھا آھي تھ آبپاشي عملدار وڏيون رشوتون وٺي پاڻي مٿين آبادگارن کي وڪرو ڪن ٿا، جنهن ڪري سوڀوديرو تعلقي جون اڪثر شاخون سڪل آهن. ۔ هن وقت فيض نهر م سورهن سو ڪيوسڪ پاڻي آهي، پر تنھن باوجود به نااهل آبپاشي انتظاميا هٿرادو وارا بندي جو بهانو ڪري، ٿورو ٿڪو ملندڙ پاڻي به بند ڪري ڇڏيو آهي. عوام سخت تڪليفن کي منھن ڏيئي رھيو آھي. سنڌ جي اعليٰ اختيار ڌڻين کان مطالبو ڪجي ٿو تھ آبپاشي عملدارن کي ڪٽھڙي ۾ آڻي، آڏي پڇا ڪئي وڃي ۽ پاڻي جي ھٿرادو کوٽ کي ختم ڪري سوڀو ديرو تعلقي جي عوام سان انصاف ڪيو وڃي.